Kvikmyndahátíðarmynd númer fimm var heimildarmyndin Über Goober. Ég er ekki viss um að óinnvígðir hafi alveg náð myndinni en mér fannst hún massafyndin. Ég nefnilega spilaði ADD þegar ég bjó á Skaganum (Og smá Vampire) og mér fannst það æðislegt. Fór meiraðsegja á stórt Fáfnismót þar sem ég upplifði það að vera hin stelpan á vel rúmlega hundrað manna samkomu. Þar spilaði ég í næstum því sólarhring samfleytt og sá fullvaxinn karlmann skrækja af hræðslu og hoppa upp í fangið á stráknum við hliðina á sér þegar stjórnandinn í síðasta spilinu sem ég spilaði (sem var horror spil) stökk að honum og andaði á hálsinn á honum í tilefni þess að teningarnir ákváðu að skrýmslin réðust á téðan fullvaxna karlmann.

Þegar ljósin kviknuðu í salnum sá ég hluta af gamla rólpleying hópnum mínum af Skaganum ganga flissandi út...