Ég sá Ramones myndina Rock 'n Roll Highschool í fyrsta skipti í gær. Eins og með Death Race 2000 skil ég ekki afhverju ég apaðist ekki til að sjá hana fyrr. Hún var æðisleg. Svo korní en svo æðisleg; Ramones, kjánalegir unglingar, hvítar rokkmýs í mannstærð, busa og íþróttabullur og skólayfirvöld með nasistakeim.

Ég las ævisögu Dee Dee í fyrra, Poison Heart og þar er fjallað soldið um gerð þessarar myndar. Mig minnir að hann muni ekkert eftir því að hafa leikið í þessari mynd, svo dópaðir voru þeir allir á meðan að á tökum stóð. Í gærkvöldi sýndist mér það alveg geta staðist, sérstaklega hvað varðar Dee Dee. Línunum hans var enda fækkað úr 5 í 2 (Hey, pizza! og Hey, pizza! It's great! Let's dig in!.) Dee Dee var á meðan á tökum stóð handtekin fyrir slagsmál og lagður inn á sjúkrahús eftir að hafa óverdósað. Reikningurinn fyrir sjúkrahúsvistinni nam víst rúmlega helmingi þeirrar fjárhæðar sem þeir fengu fyrir að leika í myndinni...

Ramones voru æðislegir sem unglingaidol, þeir eru nefnilega svo afskaplega óaðlaðandi í þessari mynd. Fullkomlega óaðlaðandi. Ég hefði gjarnan viljað vera fluga á vegg við tökur þessarar myndar.